Semeıde polıtsııa ǵımaratynyń janynda jol apaty boldy
SEMEI. QazAqparat – Semeıde jol apatynan 3 kólikke zaqym keldi, dep habarlaıdy QazAqparat Semeynews.kz saıtyna silteme jasap.
Jol apaty Semeıde 1 qyrkúıek kúni saǵat shamamen 09:38-der shamasynda bolǵan.
«Kia Rio» kóliginiń 64 jastaǵy júrgizýshisi Ibraev kóshesinen B.Momyshuly, ıaǵnı basty jolǵa shyǵyp kele jatyp, 36 jastaǵy azamat basqaryp kele jatqan Lexus LX 570 markaly kóligimen soqtyǵysqan. Lexus LX 570 qatty soqqydan aýdarylyp, 45 jastaǵy azamat basqaryp, B.Momyshuly kóshesimen kele jatqan Toyota LC 150 kóligin soqqan»,-dep túsindirdi patrýldik polıtsııa qyzmetkerleri.
Polıtsııadan qazir tekserý jumystary júrgizilip jatqany jáne onyń nátıjesi boıynsha, ákimshilik shara qoldanylatynyn atap ótti.
