Semeıde polıtseıler joǵalǵan jasóspirimdi taýyp, týystaryna tapsyrdy

ASTANA. QazAqparat - Semeıde polıtseıler joǵalǵan jasóspirimdi taýyp, týystaryna tapsyrdy, dep habarlaıdy Polisia.kz.

17 qańtarda 102 jedel arnasyna 39 jastaǵy jergilikti turǵynnyń 13 jasar ulyn izdesýge kómek suraǵan qońyraýy kelip túsedi.

Onyń aıtýynsha, bala úıden saǵat 07:40-ta mektepke qaraı shyǵyp ketken.
Dabyl sıgnaly boıynsha Abaı oblysy polıtsııa departamentiniń qurylymdyq bólimsheleriniń barlyq jeke quramy kóterildi.
Tártip saqshylary kez kelgen aqparatqa ıe bolýy múmkin tanystary men kýágerlerinen jaýap alyp, irgeles aýmaqtardy muqııat zerttedi. Ár aýmaqqa bólinip, ár aýlaǵa tintý júrgizdi.
Іzdeý barysynda polıtsııa qyzmetkeri Mıchýrın kóshesinde joǵalyp ketken kámeletke tolmaǵan balany taýyp, balany anasyna tapsyrdy.
Onyń úıinen ketý sebebi anyqtalýda.

Foto: t.me/POLICE_of_KZ