Semeıde polıtseı para alyp jatqan jerinen ustaldy
Polıtsııa qyzmetkeri qyzmettik kólik ishinde 100 myń tenge aqshany alyp jatqan jerinde qolǵa tústi. Alaıda, kelisilgen syıaqy mólsheri 300 myń tenge bolǵan.
Semeı aımaǵy boıynsha aýdanaralyq sybaılas jemqorlyqqa qarsy is-qımyl basqarmasy basshysynyń orynbasary Baqytjan Ótepovtyń aıtýynsha, tirkelgen fakti boıynsha Zaton polıtsııa bóliminiń bastyǵy men birqatar qyzmetkerler tártiptik jaýapkershilikke tartylǵan.
Atap ótilgendeı, jemqorlyqqa qarsy kúres qyzmeti ótkizgen reıd barysynda bir kúnde birneshe ınspektor ustalǵan. Paraǵa berilmek bolǵan jalpy soma - 20 myń teńge.
«Polıtsııa qyzmetkerleri arasynda sybaılas jemqorlyq isteri jıilep barady. Kóbinese parany júrgizýshilerden ákimshilik quqyqbuzýshylyqtardy jasyrý úshin alady. Sonymen qatar Semeı qalalyq ІІB-niń jol polıtsııasynyń birneshe ınspektory ustaldy. ıAǵnı, olar Qazaqstan Respýblıkasynyń jol qozǵalysy erejelerin buzǵan júrgizýshilerdiń jasaǵan ákimshilik quqyqbuzýshylyq áreketin jasyrǵan. Qazirde jemqorlyqpen kúres qatań júrip jatyr. Sondyqtan árkim óz isine adal bolǵany jón», - dedi Baqytjan Ótepov.
2017 jyly Semeıde jemqorlyq qylmystaryna baılanysty 97 is qozǵaldy. Onyń 30-y quqyqqorǵaý organdarynyń qatarynda anyqtalǵan.
Al 2018 jyldyń birinshi jartyjyldyǵynda ishki ister organy qyzmetkerleri tarapynan jasalǵan jemqorlyq áreketteri boıynsha 17 qylmystyq is qozǵaldy.