Semeıde PIK «qyzmetkerleri» keıýanany tonap ketti
SEMEI. QazAqparat - Semeıde 96 jastaǵy zeınetkerdiń pəterinen aqsha jymqyrǵan alaıaqtar ustaldy, dep habarlaıdy QazAqparat.
96 jastaǵy qala turǵyny polıtsııaǵa shaǵymdanǵan. Onyń aıtýynsha páterine 40-50 jas shamasyndaǵy áıel men er adam kelgen, olar ózderin «PIK qyzmetkerimiz» dep tanystyrǵan. Keıin shkaf ishindegi 50 myń teńgesi bar ámııandy urlap ketken.
«Polıtsııa qyzmetkerleri úılerdi, aralap tekserý kezinde kúdiktilerdi ustady. Olar 1962 jáne 1978 jylǵy qala turǵyndary ekeni belgili boldy. Tergeý kezinde kinálaryn tolyǵymen moıyndady», -d elingen Semeı qalalyq polıtsııa basqarmasynyń baspasóz qyzmeti taratqan habarlamada.
Qazir atalǵan fakti QR Qylmystyq kodeksi 191-babynyń 2-tarmaǵy boıynsha sotqa deıingi tergeý amaldary júrgizilýde.
Polıtseıler ustalǵandardyń basqa da qylmystarǵa qatystylyǵyn tekserip jatyr.
Búgingi kúnge deıin kúdiktilerdiń bireýi jalpy somasy 310 myń teńgeniń zatyn urlaǵany anyqtaldy. Ol 2018 jyldyń tamyz aıynda dáliz terezesin syndyryp úıge kirip, altyn buıymdardy urlaǵan.
