Semeıde perınataldy ortalyqtyń jańa korpýsy ashyldy
SEMEI. QazAqparat – Semeı qalasynda perınataldy ortalyqtyń jańa korpýsy ashyldy, dep habarlaıdy QazAqparat tilshisi.
Jańa ǵımarat Jamaqaev kóshesi 100/a mekenjaıyndaǵy burynǵy medıtsınalyq jedel járdem aýrýhanasynyń hırýrgııa korpýsynda ashyldy.
Munda «Jumyspen qamtýdyń jol kartasy»baǵdarlamasy aıasynda kúrdeli jóndeý júrgizilgen. Bul maqsatqa merdiger «Baısyn-A» JShS-ǵa 713 mln teńge bólingen. Patsıentterdi qabyldaý erteńnen bastalady.
«Bul - bolashaq analardy qabyldaıtyn mekeme. Munda 85 oryn qarastyrylǵan. Asa qaýipti jaǵdaıdaǵy analar birinshi korpýsta bolsa,al mynda eshqandaı potologııasy joqtar qabyldanady. Osy jerde buryn bolmaǵan ortalyq zararsyzdandyrý bólimshesi jáne bak-zerthana ashyldy. Oblystyq bıýdjetten qarjylandyrý negizinde ǵımarat eń zamanaýı jabdyqtarmen jabdyqtalǵan. Júkti áıeldiń ózi úshin de, onyń týystary úshin de barlyq qolaıly jaǵdaılar jasalyp otyr. Biz naýqastardy qabyldap, jumys bastaýǵa daıynbyz», - deıdi perınataldy ortalyqtyń bas dárigeri Arhat Daıyrbekov.
Semeıdegi perınataldy ortalyq qala jáne jaqyn mańdaǵy aýdandardyń turǵyndaryna qyzmet kórsetedi. Onyń 3 korpýsy bar.
Birinshisi asa qaýipti toptaǵy patsıentterdi qabyldaıdy.
Al úshinshi korpýstyń ashylýy osy jyldyń qyrkúıek aıyna josparlanyp otyr.
