Semeıde páterge qamalǵan bala qutqaryldy
ÓSKEMEN. QazAqparat - Semeı qalasynda páterdi ishinen jaýyp alǵan bala qutqaryldy, dep habarlaıdy QazAqparat tilshisi.
Oqıǵa búgin saǵat 00:46-da bolǵan. Túngi kezekten kelgen jubaıyn jedelsatydan kútip alýǵa shyqqan er adam, esikti ashyq qaldyryp ketedi. Sonyń arasynsha 2 jasar balasy esikti jaýyp úlgergen. Avtomatty qulyp sart etken kezde ǵana úı ıesi ózimen birge kilt alyp shyqpaǵanyn esine túsiredi.
Oqıǵa ornyna №2 qutqarý jasaǵy jetip, balany aman qutqarǵan.
«Ata-analardyń balasyn jalǵyz qaldyrý saldarynan tosyn oqıǵalar kóbeıip barady. Sonyń kóbi jaraqatpen aıaqtalyp jatady. Semeı qalasy boıynsha jyl basynan beri qutqarýshylar 35 balanyń ómirine arasha túsken. Ata-analar qarapaıym qaýipsizdik sharalaryn saqtasa eken», - deıdi oblystyq tótenshe jaǵdaılar departamentiniń baspasóz qyzmetiniń basshysy Anastasııa Sklıar.
