Semeıde páterden qundyz ton urlaýshy ustaldy
SEMEI. QazAqparat - Semeılik polıtseıler páter urlyǵymen aınalysqan ákki uryny qolǵa túsirdi. Bul týraly QazAqparat oblystyq Іshki ister departamentiniń baspasóz qyzmetine silteme jasap habarlaıdy.
17 maýsym kúni saǵat 11:05-te Áýezov polıtsııa bólimshesine qala turǵynynan páteriniń tonalǵany týraly habar túsken. Aıtýynsha, 14-17 maýsym aralyǵynda belgisiz bireý páterine urlyqqa túsip, qundyz ton men keýdeshesin, vıdeotehnıka, asúı kerek-jaraqtaryn qoldy etken. Kelgen shyǵyn kólemi 595 000 myń teńge.
Oqıǵa ornyna jetken polıtsııa qyzmetkerleri tekserý jumystaryn júrgizip, urynyń úıdiń esigin kilt arqyly ashyp kirgenin anyqtady.
Dereý izdestirý sharalaryna kirisken polıtseıler uryny kóp uzamaı qolǵa túsirdi. Ol 28 jastaǵy qala turǵyny bolyp shyqty. Buǵan deıin de urlyq jáne alaıaqtyq áreketteri úshin aıyptalǵan.
«Kúdikti qamaýǵa alyndy. Qazirgi ýaqytta oǵan qatysty aldyn ala tergeý júrgizilýde. Tárkilengen qundy zattar ıesine qaıtaryldy»,- delingen baspasóz qyzmeti taratqan aqparatta.
