Semeıde páter órtenip, zeınetker áıel kóz jumdy
SEMEI. QazAqparat – Shyǵys Qazaqstan oblysynda kóppáterli turǵyn úıde bolǵan órtten 70 jastaǵy áıel mert boldy, dep habarlaıdy QazAqparat Semeı qalalyq tótenshe jaǵdaılar basqarmasyna silteme jasap.
TJ basqarmasy Ózerki aýylynda órt bolǵanyn habarlady. Eldimekendegi jeke turǵyn úıdiń páterleriniń biri órtengen. Aǵash eden, jıhaz, jeke zattar, tósek oryndary men esigi, 7 sharshy metr aýmaq otqa oranǵan.
Órt sóndirýshiler páterden 70 jastaǵy úı ıesiniń máıitin tapqan. Marqumnyń jalǵyz turatyny jáne júre almaıtyny belgili boldy. Oǵan kórshisi qamqorlyq jasaǵan. Kútýshisi túski 12-de páterdegi peshke ot jaǵyp, úıine ketken. Kórshi áıel 15.00-de tútinniń ıisin sezgen. Biraq mán bermegen. Saǵat 16.00-de kórshisi páterdiń órtenip jatqanyn bilgen.
«Mert bolǵan áıeldiń únemi temeki tartatyny anyqtaldy. Órt sebebiniń eki nusqasy bar - temeki shegý kezinde abaılamaý jáne jylytý peshin ornatyp, paıdalaný kezinde órt qaýipsizdigi talaptaryn buzý», - dep atap ótti TJ basqarmasynda.
