Semeıde «ózin tonaǵan» qyz 7 mln teńge aıyppul tóleýi múmkin
SEMEI. QazAqparat - 21 jastaǵy semeılik stýdent qyz ózin tonap ketti dep polıtsııaǵa jalǵan aryz túsirgen. Bul týraly QazAqparat oblystyq ІІD baspasóz qyzmetine silteme jasap habarlaıdy.
ShQO ІІD málimetinshe, 7 tamyz kúni saǵat 11.00-de qyz ortalyq polıtsııabólimine avtobýs aıaldamasynda belgisiz bireýler onyń sómkesin kúsh kórsetip, tartyp áketti dep aryzdanǵan. Sómkede 200 myń teńge aqsha men bank kartochkalary bolǵan.
Fakti boıynsha jedel aldyn alý sharalary uıymdastyrylady. «Tonaý» babyna sáıkes sotqa deıin tergeý amaldary bastalady. Alaıda, tergeý barysynda qyz balanyń oryn alǵan oqıǵany oıdan shyǵarǵany anyqtaldy.
Sóıtse qarjynyń bárin keregine jaratyp qoıǵan ol osyndaı amal oılap tapqan. Qazir Qylmystyq kodekstiń 419-baby 2-bóligi (Qylmys jasalǵany týraly kórineý jalǵan sóz jetkizý) boıynsha sotqa deıingi tergeý amaldary júrgizilip jatyr. Endi ol jalǵan aqparat bergeni úshin 3000 AEK mólsherinde aıyppul tóleıdi nemese segiz júz saǵatqa deıingi merzimge qoǵamdyq jumystarǵa tartýǵa úsh jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý jazasyna tartylady.
