Semeıde ózin emshi retinde tanystyrǵan alaıaq zeınetkerdiń gaýhar tasty áshekeılerin ıemdendi
SEMEI. QazAqparat – Semeı qalasynyń polıtsııa qyzmetkerleri ózin emshi retinde tanystyryp, zeınetkerdi aldap soqqan alaıaqty ustady, dep habarlaıdy QazAqparat tilshisi.
Shyǵys Qazaqstan oblystyq Polıtsııa departamenti baspasóz qyzmetiniń málimetinshe, shilde aıynyń sońynda polıtsııa bólimshesine habarlasqan 66 jastaǵy qala turǵyny alaıaqtyń tuzaǵyna túskenin aıtqan. Ony jasy 50-ler shamasyndaǵy áıel pále-jala men kóz tııýden alastaımyn dep aldap, 3 myń AQSh dollaryn, 40 myń teńgesin jáne gaýhar tasty áshekeı buıymdaryn ıemdenip ketken. Jábirlenýshige keltirilgen materıaldyq shyǵynnyń jalpy mólsheri 2 mln teńgeni qurady.
«Jedel-izdestirý sharalaryn júrgizý barysynda tártip saqshylary kúdiktini qolǵa túsirdi. 48 jastaǵy Almaty qalasynyń turǵyny óz kinásin moıyndap otyr. Aıǵaqty zattar tárkilengen. Qazirgi ýaqytta QR Qylmystyq kodeksiniń 190-baby 1-bóligi (Alaıaqtyq) boıynsha sotqa deıingi tergeý amaldary júrgizilýde», – deıdi ShQO Polıtsııa departamentiniń bastyǵy Saǵat Mádıev.
