Semeıde ótken tamyz keńesinde kitaphana mártebesin kóterý máselesi talqylandy
baı óńirinde ótken is-sharanyń ereksheligi «Oqýǵa qushtar ult» baǵytyna basymdyq berildi. Oblystyq tamyz konferentsııasy 500-ge jýyq pedagogtiń basyn qosty.
Onyń ishinde elimizdiń ár aımaǵynan 150-den astam mektep, kolledj kitaphanashylary arnaıy keldi.
Іs-shara spıkerleri QR Oqý-aǵartý mınıstrligi men QR Mádenıet jáne sport mınıstrliginiń ókilderi, tanymal aqyn-jazýshylar, ǵalymdar, respýblıkamyzdyń pedagogtar qaýymdastyǵy, bedeldi baspa uıymdarynyń basshylary boldy.
Abaı oblysynyń ákimi Nurlan Uranhaev barsha ustazdar qaýymyn jańa oqý jylymen quttyqtap, ushqyr oı men tereń sezimge baýrap, tutastaı ultty tárbıeleıtin qundy jádiger Kitapty birge saqtaýǵa, nasıhattaýǵa shaqyrdy.
«Uly Abaıdyń «Paıda oılama, ar oıla, Talap qyl artyq bilýge. Artyq ǵylym kitapta, Erinbeı oqyp kórýge» degen ónegeli ósıeti – búginde zor mańyzǵa ıe bolyp otyr. «Artyq ǵylymǵa» umtylyp, kitaptyń qadirin túsinip, qurmetpen qaraıtyn, oıy ozat, sanasy azat urpaqtyń ǵana alar asýy, baǵyndyrar belesi bıik bolmaq. Osy oraıda, oqýshylar men jastardyń, kórkem ádebıetke qyzyǵýshylyǵyn arttyrý maqsatynda Memleket basshysy Qasym-Jomart Kemeluly Toqaevtyń tapsyrmasyna sáıkes, qazir barlyq bilim oshaqtarynda «Oqýǵa qushtar ult» jobasy iske asyp keledi», - dedi aımaq basshysy.
Búginde oblysta bilim berý salasynda birqatar oń ózgerister júzege asty.
Máselen, «Jaıly mektep» jobasy aıasynda 11 jańa mektep ashylyp, 36 mekteptiń oqý bólmeleri jańartylady.
Sondaı-aq, bastaýysh synyp oqýshylary tegin ystyq tamaqpen qamtamasyz etiledi.
Konferentsııa aıasynda qatysýshylar úshin mektepke deıingi tárbıe jáne oqytý, orta, arnaýly, qosymsha, tehnıkalyq, kásiptik bilim berý mekemeleriniń kórmesi uıymdastyrylyp, qala men aýdan jetistikteri tanystyryldy.
