Semeıde osydan 110 jyl buryn eýropalyq úlgidegi tuńǵysh teatrlandyrylǵan qoıylym sahnalandy

SEMEI. KAZINFORM – 1913 jyly 13 aqpanda Semeıde eýropalyq úlgidegi tuńǵysh teatrlandyrylǵan qoıylym sahnalandy.

Qoıylym jaıly aqparat alý úshin Kazinform tilshisi QR Mádenıet jáne aqparat mınıstrligine habarlasyp kórdi.

- Qazaq pesalarynyń stsenarııleri tapshy bolǵandyqtan, ádebı varıatsııada ataqty «Birjan-Sara» aıtysy qoıyldy. Qoıylym rejısseri qazaq ádebıetiniń negizin salýshylardyń biri Júsipbek Aımaýytov bolǵan. Qazaq qoǵamyndaǵy áıelderdiń teńdigi men áleýmettik jaǵdaıy taqyrybyn kótergen qoıylymda Birjan rólin Júsipbek Aımaýytovtyń ózi somdasa, Sara rólinde Turar Qozybaǵarova óner kórsetti, - dep habarlady mınıstrliktiń baspasóz qyzmetinen.

Osylaısha, qazaq mádenıeti alǵash ret teatr ónerimen tolyǵyp, sahnadaǵy qoıylym jınalǵandarǵa erekshe áser etti. «Al qazir sol teatr bar ma?» degen suraǵymyzǵa mınıstrlikten bylaı dep jaýap berdi:

- Ol kezde teatr bolmaǵan edi. Sol úshin qazir ol myna teatrǵa aınaldy dep aıtýǵa kelmeıdi. Jalpy eýropalyq úlgidegi bul alǵashqy qoıylym Semeı qalasynda sahnalanǵan dep qana aıtyp otyrǵanymyz sondyqtan.

Eske salsaq, buǵan deıin Almaty qýyrshaq teatry halyqaralyq festıvalde bas júldeni ıelengeni habarlanǵan.