Semeıde órtten qarııany qutqaryp qalǵan azamat marapattaldy
SEMEI. QazAqparat – Semeı qalasynda órtengen úıden qarııany qutqaryp qalǵan azamat marapattaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Semeıde jer úıde órt shyqqan. Oqıǵa ornyna órt sóndirýshiler kelip jetkenge deıin úı ıesiniń sol mańda turatyn týysy Andreı Matveev kómekke umtyldy.
«Kók tútinge oranǵan úıden 67 jastaǵy zeınetker shyǵa almaı qalǵan. Sol kezde Andreı terezeni shaǵyp, ishke kiredi. Edende jatqan úı ıesin taýyp, ony syrtqa alyp shyqqan. Syn saǵatta batyldyq tanytqan Andreı Matveev Qazaqstan Respýblıkasy Tótenshe jaǵdaılar mınıstriniń Alǵys hatymen marapattaldy», - dep habarlady vedomstvo ókilderi.
Aıta keteıik, 41 jastaǵy er adam 2 bala tárbıelep otyr.
