Semeıde órtten er adam kóz jumdy
SEMEI. QazAqparat - Semeıde jekemenshik úıden shyqqan órttiń saldarynan er adam qaza tapty. Bul týraly QazAqparat qalalyq TJB baspasóz qyzmetine silteme jasap habarlaıdy.
Oqıǵa maýsymnyń 20-nan 21-ine qaraǵan túni saǵat 02:07-de Dostoevskıı kóshesinde tirkeldi.
Qutqarýshylar tilsiz jaýdy sóndirý kezinde úı ishinen 54 jastaǵy er adamnyń múrdesin alyp shyqty. Aldyn ala boljam boıynsha qaıǵyly jaǵdaıdyń oryn alýyna shylym shegý sebep bolǵan jáne marqum bolǵan kisi alkogoldik ishimdik ishken bolýy múmkin.Qazir mamandar órttiń naqty shyǵý sebepteri men shyǵyn kólemin anyqtap jatyr.
«Órt týraly habardy kýágerler berdi. Saldarynan úı ishindegi jıhazdar janǵan. Úı ıesi temeki tuqylyn durys óshirmegen bolýy múmkin. Uıyqtap jatyp, órt shyqqanyn sezbegen. Saldarynan ózi kók tútinge ýlanyp qalǵan. Qazir órttiń naqty sebep-saldary tekserilip jatyr» delingen habarlamada.
Aıta keteıik, Semeıde jyl basynan beri 219 órt oqıǵasy tirkeldi. Saldarynan 4 adam kóz jumyp, 7 adam zardap shekti. Onyń 2-eýi - bala. Al jalpy shyǵyn kólemi1 930 000 teńge.
