Semeıde órtten 83 jastaǵy qart áıel kóz jumdy
SEMEI. QazAqparat - 9 qabatty úıde bolǵan órt saldarynan 83 jastaǵy qart áıel kóz jumdy. Bul týraly QazAqparat Semeı qalalyq TJB baspasóz qyzmetine silteme jasap habarlaıdy.
«Oqys oqıǵa týraly habar tótenshe jaǵdaılar basqarmasyna 3 sáýir kúni saǵat 11:42-de tústi. Órt «Bógembaıuly, 36» mekenjaıyndaǵy kópqabatty turǵynúıdegi páterlerdiń biriniń as bólmesinen shyqqan. Oqıǵa saldarynan tońazytqysh ben jıhazdardar janyp ketti. Tilsiz jaý jalpy aýmaǵy 10 sharshy metr jerdi sharpyǵan» delingen habarlamada.
Tótenshe jaǵdaı qyzmetkerleri órtti sóndirý kezinde 1935 jyly týǵan úı ıesiniń múrdesin tapty. Oqıǵa ornyna jetken dárigerler ájeıdiń tútinge ýlanyp kóz jumǵanyn anyqtady. Qazir arnaıy qyzmet ókilderi shyǵyn kólemi men órttiń shyǵý sebebin anyqtaýda. Al tilsiz jaýdy aýyzdyqtaýǵa órt sóndirý bóliminiń jeke quramynan 14 qyzmetkeri men 3 arnaıy tehnıka jumyldyryldy.
