Semeıde órtten 30 adam qutqaryldy
SEMEI. QazAqparat - Semeıde dúkennen shyqqan órtten 30 adam qutqaryldy. Onyń altaýy bala. Bul týraly QazAqparat Semeı qalalyq TJB silteme jasap habarlaıdy.
Órt Sháıjúnisov kóshesinde, 152 mekenjaıynda ornalasqan 5 qabatty turǵyn úıdiń 1-shi qabatynda ornalasqan dúkennen shyqqan. Saldarynan dúkendegi temeki sóresimen ózge de dúnıeler janyp ketti. Jalpy aýmaǵy 10 sharshy metr. Órtti aýyzdyqtaý kezinde turǵyn úıden 30 adam qaýipsiz jerge kóshirildi. Onyń altaýy bala. Al tútinge ýlanǵan 42 men 19 jastaǵy turǵyndar aýrýhanaǵa jetkizildi. Olarǵa medıtsınalyq kómek kórsetilgennen keıin úılerine jiberildi.
«Órttiń sebebi retinde elektr qurylǵylar jumysynyń apattyq rejimi men otty abaısyzda qoldaný nusqalary qaralýda. Qazir kináliler men keltirilgen shyǵyn kólemi anyqtalyp jatyr», delingen habarlamada.
