Semeıde órtte bir áıel mert boldy, er adam aýrýhanaǵa tústi
ASTANA. 18 aqpan. QazAqparat - Jeksenbi kúni keshqurym Semeı qalasyndaǵy jer úılerdiń birinde órt boldy.
QR TJM-niń baspasóz qyzmetinen habarlaǵandaı, 13 sharshy metr aýmaqqa taraǵan jalyn bir saǵattan keıin sóndirildi. Onymen kúreske QR TJM Shyǵys Qazaqstan oblystyq TJD órtke qarsy qyzmetiniń 12 adamy men 3 tehnıkasy jumyldyryldy. Oqıǵa ornynda 58 jastaǵy áıeldiń múrdesi tabyldy, 62 jastaǵy er adam kúıik jaraqattarymen aýrýhanaǵa jetkizildi.
