Semeıde órtengen úıden uıqydaǵy áıel men bala qutqaryldy
ÓSKEMEN. QazAqparat - Semeıdegi saıajaılardyń birinde órt shyǵyp, uıqydaǵy áıel men bala qutqaryldy, dep habarlaıdy QazAqparat tilshisi.
Órt týraly kórshileri uıaly telefon arqyly habarlaǵan. Órt sóndirýshi jasaq kelgende aýyzǵy úı janyp jatqan.
«Esik ishten jabyq bolǵandyqtan, buzyp kirýge týra keldi. Qoıý tútinniń arasynan 1980 jylǵy áıel men 2009 jylǵy bala qutqaryldy. Ekeýi de alańsyz uıqyda bolǵan. Áıel men balasy dárigerdiń tyńǵylyqty tekserýinen keıin úılerin jiberildi» - delingen ShQO TJD baspasóz qyzmeti taratqan aqparatta.
Qyzyl jalyn 5 sharshy metr aýmaqty qamtyp úlgergen. Abyroı bolǵanda, úıdiń ishinen eki gaz ballony der kezinde shyǵarylǵan. 
