Semeıde órtengen úıden bir adam qutqarylyp, 3 gaz ballony shyǵaryldy

SEMEI. QazAqparat - Semeıde órt sóndirýshiler órtengen úıden bir er adamdy qutqaryp, janyp jatqan úı-jaılardan 3 gaz ballonyn alyp shyqty. Bul týraly QazAqparat qalalyq TJB baspasóz qyzmetine silteme jasap habarlaıdy.

8 shildede saǵat 17:02-de qaladaǵy Nekrasov kóshesindegi jeke úıdegi órt týraly aqparat kelip tústi. Órt sóndirýshiler shaqyrý ornyna kelgen sátte aǵash konstrýktsııalary, sondaı-aq jalpy aýdany 15 sharshy metr jazǵy as úı, jıhaz, jeke zattar ashyq jalynmen janyp jatty.
Órtti sóndirý kezinde 1976 jyly týǵan er adam jatyn bólmesinen shyǵaryldy, ol dárigerler teksergennen keıin medıtsınalyq kómekke muqtaj bolmady. Janyp jatqan úıden syıymdylyǵy 27 lıtr bolatyn 1 gaz ballony tabyldy, ol dereý bólmeden shyǵaryldy.
Ekinshi órt Ikenov kóshesinde boldy. Habarlama saǵat 21:47-de kelip túsken. Jeke turǵyn úıde, sondaı-aq japsarlas salynǵan qoıma úı-jaıynda jalpy aýdany 40 sharshy metr tóbelik jabyndardyń, tereze jáne esik bloktarynyń, jıhazdyń aǵash konstrýktsııalary, jeke zattar órtendi.
Der kezinde syıymdylyǵy 27 lıtr bolatyn 2 gaz ballony tabylyp, shyǵaryldy.
Eki jaǵdaıda da órttiń aldyn ala sebebi: otty abaısyz qoldaný.