Semeıde órtengen páterde qalyp qoıǵan 5 jasar balany kórshisi qutqardy
SEMEI. QazAqparat – Semeı qalasynda órtengen páterde qalyp qoıǵan 5 jasar balany kórshisi qutqaryp qaldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, órt 16 qyrkúıekte saǵat 18.55-te 408 kvartal kóshesinde shyqty.
Besinshi qabatta ornalasqan páterde kilem janǵan.
«Oqıǵa ornyna órt sóndirýshiler kelip jetkenshe kórshi Svıatoslav Bıketov esikti ashyp, 5 jasar balany syrtqa alyp shyqqan. Sodan keıin ol jalpy aýdany 3 sharshy metrdi quraǵan qyzyl jalyndy óz betimen aýyzdyqtady», - dep habarlady vedomstvo ókilderi.
Janǵan azyq-túlikten jeńil dárejede ýlanǵan búldirshindi aýrýhanaǵa jatqyzýdyń qajettiligi bolǵan joq. Aldyn ala málimet boıynsha tilsiz jaýdyń shyǵýyna – balanyń otty abaısyz qoldanýy sebep boldy.
