Semeıde órtengen orman alqabyn «Jasyl el» sarbazdary kógaldandyrýda
SEMEI. QazAqparat - Semeıde «Jasyl el» eńbek jasaǵynyń kezekti maýsymy bastaldy. Bıylǵy eńbek jasaǵynyń alǵashqy maýsymyna 30 jas tartyldy, dep habarlaıdy QazAqparat.
Endi "Jasyl eldiń" jastary aldaǵy úsh aı boıy qalany kórkeıtip, gúldendirý jolynda eńbek etedi. Jastardy jumyspen qamtý boıynsha qaladaǵy «Semeı ormany» tabıǵı rezervatymen jáne «Zelenstroı» seriktestigimen kelisimsharttar jasalǵan.
Jasaq músheleri aldymen órtengen orman aýmaǵyn kógaldandyrýdy qolǵa aldy. Sodan keıin qaladaǵy demalys saıabaqtaryn abattandyrýmen aınalysady.
«Semeı qalasy boıynsha jastardy jumyspen qamtý maqsatynda «Jasyl el» memlekettik baǵdarlamasy aıasynda jastar jumysqa qabyldandy. Olar qalamyzdy kógaldandyrý jumystarymen aınalysady. Aılyq jalaqylary 60 myń teńgeniń ústinde bolady. ıAǵnı, kelisimshart boıynsha jumys berýshi de qosymsha aqsha tóleıdi. Osylaısha olardyń ózderin qamtamasyz etýge múmkindikteri bar», - deıdi «Jastar» resýrstyq ortalyǵynyń dırektory Oljas Soǵymbaı.
«Jasyl el» baǵdarlamasy arqyly bıyl qalada 18-29 jas aralyǵyndaǵy 100-den astam jumyssyz jas jaz mezgilinde eki qolǵa bir kúrek tabady dep josparlanýda. Aldymen az qamtamasyz etilgen otbasydan shyqqan jastar qabyldanǵan. Barlyǵymen eńbek kelisimsharty jasaldy. Endi úsh aı boıy jas sarbazdar qorshaǵan ortanyń kórkeıýine septigin tıgizedi.
