Semeıde órt sóndirýshiler áıel adamdy aman alyp qaldy

ASTANA. KAZINFORM - 101 pýltine Semeı qalasyndaǵy kóppáterli úıde tútin ıisi bar ekendigi týraly habarlama kelip tústi, dep habarlaıdy TJM baspasóz qyzmeti. 

TJD qyzmetkerleri oqıǵa ornyna jetkende, páterde tamaqtyń kúıgeni anyqtaldy. 

Órt sóndirýshiler kelgen kezde páter ishinde edende jatqan 1947 jyly týǵan áıel adam tabyldy. Olar oǵan dereý alǵashqy medıtsınalyq kómek kórsetti. Naýqasty odan ári aýrýhanaǵa jatqyzý úshin medıtsına qyzmetkerlerine tapsyrdy.