Semeıde órt sóndirýshiler jalynmen úsh saǵat boıy arpalysty
SEMEI. QazAqparat - Semeıde iri órt oqıǵasy tirkeldi. 2 qabatty bos turǵan ǵımarattan shyqqan tilsiz jaýmen órt sóndirýshiler 3 saǵatqa jýyq arpalysty. Bul týraly QazAqparat ShQO TJD baspasóz qyzmetine silteme jasap habarlaıdy.
Órt Áýezov dańǵyly, 75 mekenjaıynda tirkeldi. Tilsiz jaý bos turǵan 2 qabatty ǵımarattyń 1-shi qabatynan shyqqan. Jalpy aýmaǵy 375 sharshy metr.
Mamandardyń aldyn ala boljamy boıynsha órt qasaqana qoıylǵan.
«Órt ǵımarattyń qabyrǵasy men tóbesin sharpyp úlgergen. Oqıǵa ornyna jetken órt sóndirýshiler 1 saǵattyń ishinde qyzyl jalyndy aýyzdyqtady. Biraq tolyq sóndirýge 2,5 saǵat ýaqyt ketti. Qazir shyǵyn kólemi anyqtalyp jatyr», delingen habarlamada.
Órtti sóndirýge jeke quramnyń 32 qyzmetkeri men 8 arnaıy tehnıka jumyldyryldy.
Aıta keteıik, jyl basynan beri Semeıde 293 órt oqıǵasy tirkeldi. 257 adam qutqarylsa, onyń 54-i bala. Al 4 adam kóz jumdy. Mamandardyń sózinshe, órt oqıǵalarynyń 80 paıyzyna turǵyndardyń órt qaýipsizdik erejelerin saqtamaýy sebep.
