Semeıde órt sóndirýshiler gaz ballonynyń jarylýynyń aldyn aldy
SEMEI. QazAqparat - Semeılik órt sóndirýshiler jalyndy sóndirý kezinde gaz ballonynyń jarylýyna jol bermedi, dep habarlaıdy QazAqparat Shyǵys Qazaqstan oblystyq tótenshe jaǵdaılar departamentine silteme jasap.
«Búgin túngi úshte «Bobrovka» saıajaı alabynda órt tutandy. Ony kórshileri baıqap qalyp, órt sóndirý qyzmetine habarlaǵan. Ol kezde úıdiń ıeleri úıde bolmaǵan. Úıdiń shatyry órtengen. Órt sóndirýshiler shuǵyl jetip, jalyn qushaǵynan gaz ballonyn alyp shyqty. Bir jarym saǵattyń ishinde órt tolyǵymen sóndirildi», - delingen habarlamada.
Jalyn 60 sharshy metr aýdandy sharpyǵan. Aldyn ala boljamdarǵa qaraǵanda, órttiń tutanýyna elektr qondyrǵylaryn ornatýdaǵy órt qaýipsizdigi erejeleriniń saqtalmaýy sebep bolýy múmkin.
Kináli tulǵa jáne keltirilgen zalal kólemi anyqtalyp jatyr.
Órtti sóndirýge 10 adam jáne 3 tehnıka jumyldyryldy.
