Semeıde órt sóndirýshiler erli-zaıyptylardy ajaldan aman alyp qaldy
SEMEI. QazAqparat – Semeı qalasynda órtengen jer úıden erli-zaıyptylar qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 21 jeltoqsanda saǵat 23.04-te 14-shi lınııa kóshesindegi jer úıde órt shyqqandyǵy týraly habar túsken. Órt sóndirýshiler oqıǵa ornyna kelip jetkende jalyn tórgi bólmedegi jıhazdy, jeke zattardy jáne esikti sharpyǵan.
«Qutqarýshylar úı ishinen 1967 jylǵy áıel men es-túzsiz jatqan 1973 jylǵy er adamdy syrtqa alyp shyqty. Olarǵa birden alǵashqy medıtsınalyq kómek kórsetilgen», - dep habarlady vedomstvo ókilderi.
Órt sóndirýshiler jalpy aýmaǵy 8 sharshy metrdi quraǵan tilsiz jaýdy aýyzdyqtady. Aldyn ala málimet boıynsha ottyń shyǵýyna – mas kúıde temeki shegý kezindegi abaısyzdyq sebep bolýy múmkin.
