Semeıde órt sóndirýshiler er adamdy ajaldan aman alyp qaldy
SEMEI. QazAqparat – Semeı qalasynda órt sóndirýshiler bir adamdy ajal aýzynan alyp qaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 4 aqpanda saǵat 14.00 shamasynda «101» qyzmetine Túrksib kóshesinde órt shyqqany jaıly habar túsken. Oqıǵa ornyna órt sóndirýshiler kelip jetkende jylý trassasyndaǵy qoqysty jalyn sharpyp jatty. Onyń ishinde 1965 jylǵy er adam bolǵan.
«Qutqarýshylar ony lıýkten shyǵaryp, jedel járdem dárigerlerine tapsyrdy. Jalpy aýdany 3 sharshy metrge jetken tilsiz jaý 12 mınýt ishinde tolyqtaı aýyzdyqtalǵan», - dep habarlady vedomstvo ókilderi.
Aldyn ala málimet boıynsha órttiń shyǵýyna – otpen abaısyz áreket etý sebep bolýy múmkin.
