Semeıde órt shyqqan kópqabatty úıden 10-ǵa jýyq adam evakýatsııalandy

SEMEI. QazAqparat – Semeı qalasynda órt shyqqan kópqabatty úıden 10-ǵa jýyq adam evakýatsııalandy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, órt keshe saǵat 23.58-de Semeıdegi Zasıadko kóshesindegi kópqabatty úıde shyqqan. Belgili bolǵandaı, 10 qabatty úıdiń podezinde qoqys órtengen.

«Oqıǵa ornyna órt sóndirýshiler shuǵyl kelip jetti. Podezdi kók tútin tumshalaǵandyqtan 9 adam, onyń ishinde 1 bala evakýatsııalandy. Oral Vahta kóligine ornalastyrylǵan. Sodan keıin jalpy aýdany 4 sharshy metrge jetken qyzyl jalyn sóndirildi», - dep habarlady vedomstvo ókilderi.

Osy rette, oblystyq TJD mamandary óńir jurtshylyǵyna órt qaýipsizdigin saqtaý qajettigin eskertedi.