Semeıde órt shyqqan mektepten oqýshylar evakýatsııalandy

SEMEI. KAZINFORM – Semeı qalasynda órt shyqqan mektepten oqýshylar evakýatsııalandy.

Qaladaǵy №12 mektepten órt shyqqan. Bilim ordasynan barlyq oqýshy shuǵyl túrde evakýatsııalandy. Bul týraly Abaı oblystyq bilim basqarmasynan málim etti.

«Órt saǵat 16.40-ta shyqty. Úshinshi qabattaǵy ınformatıka jáne fızıka kabınetteriniń arasyndaǵy zerthanada tútin shyǵyp, órt dabyly qaǵyldy. Oqýshylar syrtqa shyǵarylyp, mektep ákimshiligi 101 qyzmetine habar bergen», - delingen aqparatta.

Saǵat 17.14-te TJD qyzmetkerleri jalpy aýdany 15 sharshy metrdi quraǵan tilsiz jaýdy tolyqtaı aýyzdyqtady. Zardap shekken eshkim joq.

Eske salsaq, osyǵan deıin ShQO-da egin jınaý kezinde kombaın otqa oranǵany habarlanǵan.