Semeıde órt shalǵan jataqhanadan 150-den astam adam syrtqa shyǵyp úlgerdi
SEMEI. QazAqparat – Semeı qalasynda órt shalǵan jataqhanadan 150-den astam adam syrtqa shyǵyp úlgergen, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 8 qazan kúni tańerteń Shýgaev kóshesinde órt shyqqany týraly qońyraý túsken.
Belgili bolǵandaı, jataqhananyń 4-shi qabatyndaǵy dálizde turǵan dıvan órtengen. Jalyn sharpyǵan aýmaq 10 sharshy metrge jetti. Joǵary temperatýradan 10 metrdeı elektr symy balqyp ketken.
«Órt sóndirýshiler úsh mınýttyń ishinde oqıǵa ornyna jetti. Sol sátte 4-shi qabattaǵy dálizdi kók tútin basqan. Qyzyl jalyndy aýyzdyqtaý barysynda 34 eresek adam men 10 bala evakýatsııalandy. 156 turǵyn jataqhanadan óz betimen syrtqa shyǵyp úlgerdi. Órtti óshirýge 28 adam men 7 tehnıka jumyldyrylǵan», - dep habarlady vedomstvo ókilderi.
TJD málimetinshe, zardap shekken eshkim bolǵan joq. Qazirgi ýaqytta órttiń shyǵý sebepteri anyqtalýda.
