Semeıde órt saldarynan eki adam qaza tapty
SEMEI. QazAqparat - Semeıde turǵyn úıde bolǵan órtten 2 adam qaza tapty, dep habarlaıdy QazAqparat Semeı qalalyq Tótenshe jaǵdaılar basqarmasynyń baspasóz qyzmetine silteme jasap.
Basqarma deregi boıynsha, órt 21 naýryz kúni saǵat 08:01-de M.Áýezov dańǵylyndaǵy kópqabatty turǵyn úıde shyqqan. 4-qabattaǵy páterden shyqqan órt týraly qutqarýshylarǵa kórshileri qońyraý shalǵan. Jalyn 3 sharshy metr aýmaqty sharpydy.
Tilsiz jaýdy óshirý kezinde qutqarýshylar páterden 2 adamnyń máıtin alyp shyqty. Tekserý barysynda marqumdar 75 jastaǵy keıýana men onyń 41 jastaǵy uly ekeni belgili boldy.
Mamandardyń aldyn ala boljamy boıynsha, órttiń shyǵýyna mas kúıde umyt qaldyrylǵan temeki tuqyly sebepshi bolǵan.
Tilsiz jaýdy sóndirýge órt sóndirý qyzmetiniń 3 tehnıkasy men 13 mamany jumyldyryldy.
