Semeıde orman órtenip jatyr
SEMEI. QazAqparat - «Semeı ormany» tabıǵı rezervaty aýmaǵyndaǵy orman órtenip jatyr, dep habarlaıdy QazAqparat.
Órt búgin saǵat 14.00-de shyqty. «Krasnyı kardon» aýdanyndaǵy orman sharýashylyǵynyń aýmaǵynda qurǵaq shóp tutanyp, órt ormanǵa kóshken. Qzir órt sóndirilip jatyr, eshkim zardap shekken joq. Ázirge jalynnyń qaıdan jáne qalaı shyqqany belgisiz.
Qazir qyzyl jalyndy aýyzdyqtaý úshin orman sharýashylyǵy, órt sóndirý bóliminiń 6 arnaıy tehnıkasy men tikushaq jumyldyryldy.
Degenmen kók tútin ormanǵa jaqyn ornalasqan úılerge jetip úlgerdi.
«Qazir tikushaq órtti joǵarydan baqylaýda. Sóndirý jumystary jalǵasyp jatyr. Órt qalaǵa jetpes úshin barlyq qutqarý qyzmeti jumyldyryldy»,-dedi Shyǵys Qazaqstan obylysy TJD-nyń baspasóz hatshysy Anastasııa Sklıar.
