Semeıde «OPEN AIR-2019» jastar festıvali ótti

SEMEI. QazAqparat - Semeıde el astanasy Nur-Sultan qalasynyń týǵan kúnine jáne Ulttyq Dombyra kúni aıasynda sondaı-aq, Jastar jylyna oraı «OPEN AIR-2019» jastar festıvali ótti, ldep habarlaıdy QazAqparat Semeı aqparat ortalyǵyna silteme jasap.

Shara birneshe baǵytty qamtydy. Qatysýshylar Ertistiń oń jaǵalaýynan 750 metr qashyqtyqta 200 kg shashylǵan túrli-tústi boıaýlar sherýinde júgirip ótti. Sonymen qatar, Dombyra Party, Asyq Party, Urban Dance, Water party, Street Workoutt alańdary uıymdastyrylyp, merekelik kontsert júrgizildi.

«Búgin qalamyzda «ShQO Semeı qalasynyń ishki saıasat bólimi» memlekettik mekemesiniń memleketik tapsyrysymen jáne «Shyǵys Jastary» qoǵamdyq qorynyń uıymdastyrýymen jastar festıvali ótýde. Festıval aıasynda ıArkokross, Dombyra Party, Asyq Party Urban Dance, Water party alańadarymen qatar, tanymal juldyzdardyń qatysýymen merekelik kontserttik baǵdarlama qoıylyp jatyr. Sonymen qatar, qatysýshylarǵa 1000-astam tegin balmuzdaq pen 1500-jýyq sýsyn taratyldy», - deıdi «Shyǵys Jastary» qoǵamdyq qorynyń atqarýshy dırektory Aıdos Tóleýhanov.



Shara barysynda festıvalge qatysýshylarǵa arnaıy nómirler berilip, sol nómirler arqyly utys oıyndary oınatyldy.



«Biz Ulttyq dombyra kúnin ekinshi márte toılap otyrmyz. Festıval aıasynda Dombyra party uıymdastyrylyp, Muqan Tólebaev atyndaǵy mýzykalyq ýchılışeniń stýdentteri óz ónerin kórsetti. Halqymyzdyń úni - Dombyra kúni qutty bolsyn», - deıdi dombyrashy Aıjan Salıeva.



Aıta keteıik, festıvalge jalpy jıyny 2000-ǵa jýyq qala turǵyny qatysty.