Semeıde Ońtústik Afrıkadan kelgen azamat karantınge jatqyzyldy
SEMEI. QazAqparat - Semeı qalasyna kelgen 1949 jyly týǵan OAR azamaty karantınge jatqyzylǵan, dep habarlaıdy QazAqparat.
Semeı qalasynda jumys isteıtin azamat Dýbaı men Nur-Sultan arqyly tranzıtpen ShQO-ǵa kelgen.
«Ol 12 naýryz kúni aýyrǵanyn aıtady. Dene qyzýy kóterilip, tumaýratqan. Bekitilgen is-qımyldar algorıtmine sáıkes, Semeı qalasynyń JMJS naýqasty ınfektsııalyq statsıonarǵa qorǵanysh kostıýmderi arqyly jetkizdi. Qazir ol aýrýhanaǵa jatqyzylǵan», - dep habarlady ShQO ákiminiń baspasóz qyzmeti.
Naýqasqa JRVI, aýyrlyǵy ortasha deńgeıdegi bronhıt dıagnozy qoıylǵan. Qosymsha dıagnoz: 2 tıpti qant dıabeti, ınsýlınge táýeldilik.
Aldyn alý maqsatynda Sovid 2019-ǵa taldaý alynǵan.
