Semeıde on páterlik úı órtendi
SEMEI. QazAqparat - Semeıde túnde on páterlik úıdiń shatyrynda bolǵan órt sóndirildi, dep habarlaıdy «QazAqparat» HAA TJK-nyń baspasóz qyzmetine silteme jasap.
«8 qarasha kúni saǵat 04:37-de Semeıdiń «101» pýltine Karernaıa kóshesindegi baraq tárizdi salynǵan bir qabatty on páterlik turǵyn úıdiń órtke oranyp jatqandyǵy týraly habar kelip tústi. Jalpy aýdany 330 sharshy metr shatyr janǵan», - delingen habarlamada.
Órt sóndirýshilerdiń tıisti qoldanǵan sharalarynyń arqasynda 15 adam, onyń ishinde 3 bala qaýipsiz jerge kóshirildi. Órt saǵat 05:58-de oqshaýlanyp, saǵat 07:05-te tolyqtaı sóndirildi.
Zardap shekkender joq. Órttiń shyǵý sebepteri anyqtalyp jatyr. Órtti sóndirýge ShQO TJD-nyń 6 órt sórt sóndirý tehnıkasy men jeke quramnyń 24 adamy jumyldyryldy.
