Semeıde Oljas Súleımenov atyndaǵy ortalyq ashyldy
NUR-SULTAN. QazAqparat - Semeıdegi Shákárim atyndaǵy memlekettik ýnıversıtette memleket jáne qoǵam qaıratkeri Oljas Súleımenov atyndaǵy ortalyq ashyldy, dep habarlaıdy Habar24kz.
Saltanatty rásimge aqynnyń ózi qatysyp, jastarǵa batasyn berdi. Munda qoǵam qaıratkeriniń shyǵarmashylyǵymen tanysyp, ádebı otyrystar ótkizýge bolady. Al tanymal qalamger jas urpaqqa aǵartýshylyq jolda talmaı eńbektenip, talaptanýdy tiledi.
«Ýnıversıtetke oqýǵa túsken jastar, qaı mamandyqty tańdasa da, eń aldymen adamshylyq joldan taımaýy tıis. Ózin taný arqyly ózgege qyzmet etedi. Jańa ortalyq elimizdegi parasat-paıymy bıik, otanshyl býyndy tárbıeleýge úles qosady degen senimim mol»,- dedi Oljas Súleımenov.
