Semeıde oqýshylar úshin sabaq toqtatyldy
SEMEI. QazAqparat - Semeı qalasy men Jarma aýdanynda oqýshylar úshin sabaqtar toqtatyldy, dep habarlaıdy QazAqparat Shyǵys Qazaqstan oblystyq Tótenshe jaǵdaılar departamentine silteme jasap.
«Bilim basqarmasynyń málimetinshe, 2018 jyldyń 26 qarashasy kúni Semeı qalasynda kóktaıǵaqqa baılanysty birinshi aýysymdaǵy 1-9 synyp oqýshylaryna, sondaı-aq Jarma aýdanynda birinshi aýysymdaǵy 1-11 synyptar úshin sabaq bolmaıdy», - delingen taratylǵan aqparatta.
Aıta keteıik, Semeı qalasynda kóktaıǵaqqa baılanysty 24 qarasha kúni ekinshi aýysymdaǵy 1-9 synyp oqýshylary oqyǵan joq.
«Qazgıdromet» RMK-nyń ShQO boıynsha fılıaly 24-25 qarasha kúnderi óńirde jaýyn jaýyp, kóktaıǵaq bolatynyn, jekelegen aýmaqtarda burqasyn men tuman kútiletinin habarlaǵan edi. Jeldiń ekpini 23-28 m/s, keı ýaqyttarda 30 m/s jetti.
Aýa raıynyń qolaısyzdyǵyna baılanysty oblysta birneshe kúnnen beri avtojoldar jabylýda.
