Semeıde nóser saldarynan jeke menshik sektordaǵy kósheler men aýlalar sý astynda qaldy
SEMEI. QazAqparat -Semeıde nóser jańbyr men burshaq saldarynan jeke menshik sektordaǵy kósheler men aýlalar sý astynda qaldy, dep habarlaıdy QazAqparat QR ІІM TJK baspasóz qyzmetine silteme jasap.
«13 maýsymda Semeıde nóser saldarynan jeke menshik sektor aýmaǵynda kólik joldary men aýlalardy sý basqandyǵy jóninde «112» jelisine qońyraý shalynǵan. Zardap shekkender joq»,-delingen TJK baspasóz qyzmetiniń habarlamasynda.
Qazirgi ýaqytta Semeı qalalyq TJB qyzmetkerleri kommýnaldyq qyzmet arqyly keltirilgen shyǵyn kólemin anyqtaý jumystaryn júrgizýde. Jergilikti atqarý organdarynyń kúshimen sýdy tartyp shyǵaryp jatyr. Kommýnaldyq qyzmettiń málimetteri boıynsha elektr jelilerine zaqym kelmegen.
Foto: ustinka.kz
