Semeıde nesıe alyp berem dep eldi aldap júrgen alaıaq ustaldy
SEMEI. QazAqparat - Semeıde turǵyndardy tómen paıyzben nesıe alyp beremin dep aldap kelgen 28 jastaǵy turǵyn ustaldy. Bul týraly QazAqparat oblystyq ІІD baspasóz qyzmetine silteme jasap habarlaıdy.
Baspasóz málimetterine qaraǵanda, 28 jastaǵy azamatsha turǵyndarǵa tómen paıyzben nesıe alyp berýge ýáde etken. Al onyń sózine sengen turǵyndar mıllıondaǵan qarajattaryn oılanbastan álgi azamatshanyń ustatqan. Biraq ol aqshany alǵannan keıin izin sýytyp otyrǵan.
Osyǵan baılanysty Semeı qalalyq ІІB-ne qala turǵyndarynyń biri aryz bergen.
Onyń aıtýynsha, aǵymdaǵy jyldyń 30 naýryzynda óziniń tanysy arnaıy baǵdarlama arqyly tómen paıyzben nesıe alyp berýge ýáde etip, bul qyzmeti úshin ol 2 mln teńge alǵan. Alaıda aqshany alǵannan keıin ol izin sýytqan. Artynan polıtsııa bólimine osyǵan uqsas Aıagóz qalasynyń turǵynynan da aryz túsken. Jalpy shyǵyn kólemi 3 mln teńge.
Tártip saqshylarynyń uıymdastyrǵan jedel aldyn alý sharalary kezinde 28 jastaǵy qala turǵyny ustaldy. Azamatsha memlekettik baǵdarlamanyń birine sáıkes nesıe rásimdeýge kómektesetinin aıtyp, turǵyndardyń senimine kirgen. Keıin aqshany alǵannan keıin habarsyz ketken.
Tergeý barysynda ol kinásin moıyndady. Qazir onyń ózge de alaıaqtyq isterge qatysynyń bar-joǵy tekserilip jatyr. Onyń ústinen atalǵan faktiler boıynsha QR Qylmystyq kodeksiniń 190-baby «Alaıaqtyq» boıynsha qylmystyq is qozǵaldy. Kúdikti qamaýda. Sotqa deıingi tergeý amaldary júrgizilýde.
