Semeıde Naýryz meıramyna oraı «Naýryz kerýeni» uıymdastyryldy
SEMEI. KAZINFORM - Búgin Semeı qalasynda Áz Naýryz meıramyn merekeleýge arnalǵan «Tórlet Áz-Naýryz» is-sharasy ótip jatyr. Merekelik baǵdarlamany Abaı oblysynyń ákimi Nurlan Uranhaev, Semeı qalasynyń ákimi Nurbol Nursaǵatov, qoǵam qaıratkerleri men qala turǵyndary tamashalaýda.
«Tabıǵat ananyń oıanýy» dep atalatyn kúndizgi merekelik baǵdarlama óz jalǵasyn tabýda. Bıyl Naýryz meıramynda erekshe kózge túsken «Naýryz kerýeni» sherýi boldy. Merekelik sherýde túıe, onnan astam jylqy, jeti qazynanyń biri sanalatyn qyran búrkit, qumaı tazy jáne ulttyq kıim kıgen 100 - den astam adam kerýenge qatysty.
Ortalyq alańdaǵy kontsertti tamashalaýǵa 8000-nan astam adam jınaldy. Ár kıiz úıde elimizdegi tarıhı tulǵalardyń mereıtoılaryna qurylǵan ımprovızatsııalanǵan kórmeler uıymdastyrylǵan. Sondaı-aq, ár aýylda qazaq ultynyń salt-dástúrinen qoıylymdar kórsetilip, saıystar ótýde.
