Semeıde nárestesi qoqystan tabylǵan áıel úıqamaqqa jiberildi

SEMEI. KAZINFORM – Semeı qalasynda qoqystan tabylǵanyń náresteniń anasy úıqamaqqa jiberildi.

Eske salsaq, 3 aqpanda Semeıde qoqys jáshiginen súlgige oralǵan jańa týǵan náresteniń máıiti tabylǵan bolatyn. 

Tártip saqshylary kúdiktilerdi ustap, qajetti protsessýaldyq áreketterdi júrgizý úshin bólimshege jetkizgen. Onyń ishinde shaqalaqtyń 20 jastaǵy anasy da bar. Biraq olar ýaqytsha ustaý ızolıatoryna qamalmaǵan. Bunyń sebebin oblystyq polıtsııa departamentiniń baspasóz qyzmetinen túsindirdi. 

- Bul qosymsha tergeý áreketteri júrgizý qajettigine, onyń ishinde náresteniń ólimine naqty ne sebep bolǵanyn anyqtaý jumystary jalǵasyp jatqandyǵyna baılanysty. Qazirgi ýaqytta oqıǵanyń barlyq mán-jaıy jiti tekserilýde. Tergeý nátıjesine sáıkes tıisti protsessýaldyq sheshimder qabyldanady, - delingen aqparatta. 

Vedomstvo dereginshe, kinási dáleldengen árbir adam zań aıasynda tıisti jaýapkershilikke tartylady. 

Eske salsaq, osyǵan deıin Shyǵys Qazaqstanda náreste ólimi kóbeıgeni habarlanǵan.