Semeıde múmkindigi shekteýli áıel men 2 bala órtten qutqaryldy
SEMEI. QazAqparat - Semeıde múmkindigi shekteýli 32 jastaǵy áıel men kámelettik jasqa tolmaǵan eki balany kórshileri órtten aman alyp shyqty. Bul týraly QazAqparat Semeı qalalyq Tótenshe jaǵdaılar departamentiniń baspasóz qyzmetine silteme jasap habarlaıdy.
Órt 24 maýsym kúni saǵat 16:13-te Semeı tańyndaǵy Chakoman aýylyndaǵy úılerdiń birinen shyqqan. Úıden shyǵyp jatqan kók tútindi kórgen kórshisi qutqarýshylardy kómekke shaqyrǵan.
Osy ýaqytta 50 jastaǵy áıel janyp jatqan úıdiń terezesin syndyryp ishke kirgen. Úı ishinen 8 ján 5 jastaǵy balalardy syrtqa alyp shyǵyp, kómekke adamdardy shaqyrǵan. Sebebi, úıde 32 jastaǵy múmkindigi shekteýli áıel bolǵan. Kómekke kelgen 28 jastaǵy azamat áıeldi aman alyp shyqqan.
«Oqıǵa ornyna jetken órt sóndirýshiler 2 bólmeli úıden shyqqan tilsiz jaýdy saǵat 20.32-de tolyq aýyzdyqtady. Biraq úıdiń tóbesi, qabyrǵasy men edeni, jıhazdar men turmystyq tehnıkalar janyp ketti. Órttiń jalpy aýmaǵy 150 sharshy metr», delingen habarlamada.
Tekserý kezinde úı ıesi Astanada ekeni belgili boldy. Ol múmkindigi shekteýli qyzyna qaraılasýdy úlken qyzyna senip tapsyrǵan. Biraq ol kámelettik jasqa tolmaǵan eki balasyn apaıymen tastap, úıdiń syrtynan qulyptap Semeıge ketip qalǵan. Al úıge kóz qıyǵyn salyp qoıýdy kórshisine senip tapsyrǵan kórinedi.
Al órttiń neden shyqqany belgisiz. Qazir tekserý jumystary men shyǵyn kólemi anyqtalyp jatyr.
