Semeıde mýmııaǵa aınalǵan er adamnyń máıiti tabyldy
ASTANA. QazAqparat - Semeıde Gete kóshesindegi jylý magıstralin aýystyrý jumystary kezinde qurylysshylar er adamnyń máıitin taýyp aldy, dep jazady altaynews.
Adamnyń denesi ekskavatordyń qalaǵynyń astynan shyqqan. Qurylysshylar dereý tıisti oryndarǵa habarlaǵan.
Oqıǵa ornyna kelgen mamandar máıittiń ol jerde uzaq jatqanyn, sol sebepti denesi shirip, mýmııaǵa aınala bastaǵanyn anyqtaǵan.
Semeı qalalyq ІІB Memlekettik til jáne aqparat bóliminiń jetekshisi Elýbek Ospanovtyń aıtýynsha, atalǵan oqıǵa boıynsha sot-medıtsınalyq saraptamalar taǵaıyndalyp, keshendi tergeý amaldary júrgiziledi.
