Semeıde monsha kesheni otqa orandy
SEMEI. QazAqparat - Shyǵys Qazaqstan oblysy Semeı qalasynda monsha kesheni órtendi, dep habarlaıdy QazAqparat.
6 naýryz kúni Semeı qalasynyń Qarjaýbaıuly kóshesinde ornalasqan eki qabatty monsha kesheni otqa orandy.
Órt sóndirýshiler kelip jetkende bý bólmesi janyp jatqan. Jalyn sharpyǵan monshadan eki adam qutqaryldy. 15 sharshy metr aýmaqtaǵy órt jedel sóndirildi.
Tilsiz jaýdy aýyzdyqtaýǵa 25 qutqarýshy jáne 8 tehnıka jumyldyryldy.
Órttiń sebebi anyqtalyp jatyr.
ShQO tótenshe jaǵdaılar departamenti órt qaýipsizdik erejelerin qatań saqtaý jáne nysandy órt sóndirýge qajet búkil qural-saımanmen, avtomatty dabylmen jabdyqtaý kerektigin eske salady.