Semeıde mıdyń qaterli isigine ınnovatsııalyq ota jasaldy
SEMEI. QazAqparat - Semeıde zamanaýı ádispen jasalǵan kezekti ota sátti aıaqtaldy. Bul joly ınnovatsııalyq ota mıdyń qaterli isigine jasaldy, dep habarlaıdy QazAqparat.
Dárigerler 49 jastaǵy qala turǵynynyńbas mıynyń sol jaq samaı bóligindegi isikti aldy. Azamatsha Semeı qalasynyń Memlekettik medıtsına ýnıversıtetiniń gospıtaline bassúıek-mı jaraqaty dıagnozymen túsken. Tekserý kezinde dárigerler basynda úlken isiktiń bary anyqtalady. Osyǵan baılanysty neırohırýrgter eki kezeńdi ota júrgizý týraly sheshim qabyldaıdy. Alǵashqysynda bastyń kúre tamyrlaryna embolızatsııalaý amaldary qoldanyldy. ıAǵnı, shıyrshyq tásilimen isiktiń ulǵaıýyna sebepker tútiksheler jabylyp, qan aınalymy ýaqytsha toqtatyldy. Bul ekinshi otany jasaýda qandy joǵaltýǵa jol bermedi. Osylaısha, navıgatsııalyq júıeniń kómegimen qaterlik isik alynyp tastaldy. Kúrdeli otany joǵary sanatttaǵy neırohırýrg dárigerler Altaı Qultumanov pen Tóleýǵalı Qoıshybaev jasady.
«Navıgatsııalyq júıe - mı qan tamyrlaryna zaqym keltirmeýge septigin tıgizdi. Osy ádistiń óńirimizde engizilgenine kóp ýaqyt bolǵan joq. Biraq nátıjeleri jaman emes. Birinshi operatsııa ýnıversıtet gospıtaliniń rentgenendovaskýlıarlyq zerthanasynda júrgizildi. Endi naýqas ońaltý kezeńinen ótip, neırohırýrgterdiń baqylaýynda bolady», - dedi Tóleýǵalı Qoıshybaev.
