Semeıde meıramhana mańynda oq atqan er adam 5 táýlikke qamaldy
ASTANA. KAZINFORM — 23 qyrkúıek kúni saǵat 02:00 shamasynda Momyshuly kóshesinde ornalasqan meıramhanalardyń biriniń mańynda mas kúıinde bolǵan er adam sıgnaldyq tapanshadan aspanǵa eki ret oq atqan.
Abaı oblysy PD baspasóz qyzmeti polıtsııa qyzmetkerleri quqyq buzýshyny jedel anyqtap, polıtsııa bólimine jetkizgenin málim etti. Ol Semeı qalasynyń 23 jastaǵy turǵyny — Nıkıta Boronın bolyp shyqty.
— Er adamǵa qoǵamdyq orynda alkogoldik masań kúıde júrgeni, usaq buzaqylyq jasaǵany jáne tynyshtyqty buzǵany úshin tıisti sharalar qoldanyldy. Sot qaýlysymen ol 5 táýlik merzimge ákimshilik qamaýǵa alyndy, — deıdi vedomstvo ókilderi.
Abaı oblysy Polıtsııa departamenti qoǵamdyq tártip pen azamattardyń tynyshtyǵyn buzatyn áreketter zańda belgilengen jaýapkershilikke ákep soǵatynyn eske salady.
Buǵan deıin Aqtaýda barda oq atqan er adam 5 jylǵa sottalǵanyn jazǵan edik.
