Semeıde merdiger jaıaý júrginshiler jolyndaǵy asfaltty zańsyz túrde alyp tastaǵan
ASTANA. KAZINFORM — Áleýmettik jelilerde Semeı qalasy Qaraǵaıly yqsham aýdanyndaǵy jaıaý júrginshiler jolynyń búlingeni týraly aqparat tarady.
Qala ákimdigi baspasóz qyzmetiniń málimetine sáıkes qala ákimi Ádilet Qojanbaev jaıaý júrginshiler jolynyń jaǵdaıymen tanysyp, merdiger uıym ókilderimen kezdesti. Merdiger jaıaý júrginshiler jolyndaǵy asfalt jabyndysyn zańsyz túrde alyp tastaǵan.
— Jaıaý júrginshilerge arnalǵan joldardyń sapasy — turǵyndardyń qaýipsizdigi men jaılylyǵynyń kepili. Sondyqtan bul másele árqashan nazarda bolýy tıis, — dedi qala basshysy.
Qalalyq polıtsııa basqarmasynyń aqparaty boıynsha shara qabyldanyp, nátıjesinde merdiger ákimshilik jaýapkershilikke tartyldy. Merdiger uıymǵa jaıaý júrginshiler jolyn bekitilgen merzimde qalpyna keltirý mindetteldi.
Budan buryn Semeıde káriz qudyǵyna túsken eki jumysshy esinen tanyp qalǵanyn jazǵanbyz.
