Semeıde memqyzmetker karantın talaptaryn buzǵan dúken ıelerinen para alǵan
Qalalyq №2 sotta taýarlar men kórsetiletin qyzmetterdiń qaýipsizdigi men sapasyn baqylaý bóliminiń bas mamanyna qatysty qylmystyq is qaraldy. Anyqtalǵandaı, ol óziniń qyzmettik laýazymyn paıdalana otyryp 2020 jyldyń 13 jáne 19 mamyr kúnderi dúkenderge óz betimen tekserý júrgizgen.
«Kásip ıelerine sanıtarlyq normalardyń buzylǵanyn aıtqan memlekettik qyzmetker ákimshilik hattama toltyrmaý úshin B. esimdi azamattan 12000 teńge, H-dan 10000 teńge jáne I-dan 10 000 teńge kóleminde aqshalaı syıaqy aldy. Barlyq aıǵaqtardy zerttegen sot kúdiktiniń kúnási dáleldendi dep sheshti», - dep habarlady sottyń baspasóz qyzmeti.
Sotqa deıingi tergeý barysynda Semeı qalasynyń prokýrory men aıyptalýshy arasynda kináni moıyndaý týraly protsessýaldyq kelisim jasalǵan. Sot úkimimen 320 000 teńge mólsherinde aıyppul salynǵan sottalýshy memlekettik qyzmette laýazym atqarý quqyǵynan ómir boıyna aıyryldy. Úkim áli zańdy kúshine engen joq.