Semeıde mekteptiń tóbesi opyrylyp, tótenshe jaǵdaı jarııalandy

SEMEI. QazAqparat – Semeı qalasyndaǵy № 29 «Palmıra» orta mektebiniń tóbesi opyrylyp, aımaqta jergilikti aýqymdaǵy tótenshe jaǵdaı jarııalandy. Bul týraly qala ákimi Baqytjan Baıahmetovtyń tıisti qaýlysy ashyq talqyǵa shyǵaryldy, dep habarlaıdy QazAqparat tilshisi.

«Abaı oblysy Semeı qalasyndaǵy № 29 «Palmıra» jalpy orta bilim beretin mekteptiń ashanasymen biriktirilgen akt zalynyń tóbesi ishinara opyryldy. Osyǵan baılynysty jergilikti aýqymdaǵy tehnogendik sıpattaǵy tótenshe jaǵdaı jarııalansyn. Tótenshe jaǵdaı saldaryn joıýǵa jetekshi bolyp Semeı qalasy ákiminiń orynbasary D.A. Garıkov bekitilsin», - delingen qaýlyda .

Qujatta bilim ordasyn jóndeý úshin qarjy shyǵyny bolmaıtyny kórsetilgen.