Semeıde mektepterdi jóndeýge 907 mln teńge bólindi
SEMEI. QazAqparat - Semeıde bıyl 67 mektepke ortasha jáne aǵymdaǵy jóndeý jumystary júrgiziledi. Oǵan bıýdjetten 907 mln teńge qarastyrylǵan, dep habarlaıdy QazAqparat.
Ótken jyly bul maqsatqa qala bıýdjetinen 400 mln teńge bólingen bolatyn. Onyń 30 mln 221 myń teńgesine arnaıy bekitilgen 22 joba boıynsha 12 mektep tolyq kúrdeli jóndeýden ótken. Al bıyl qarastyrylǵan qarajat eki ese kóp. ıAǵnı, 67 mekteptiń ortasha jáne aǵymdaǵy jóndeý jumysyna 907 mln teńge bólindi. Qaladaǵy bilim ordalarynyń kóbi kúrdeli jóndeýdi talap etedi. Alaıda qarjy tapshylyǵy - qolbaılaý. Sondyqtan aldaǵy 3 jylda uzaq jyldar jóndeý kórmegen mektepterde kezeń-kezeńimen jumys júrgizilmek.
«Qalalyq bilim bóliminde jalpy bilim beretin mektepterge jóndeý júrgizý úshin jyl basynda 467 mln teńge bólingen. Sońǵy sessııada qarajat kólemi artyp, tolyqtyrý engizildi. Ústine taǵy 440 mln teńge qosyldy. Osylaısha, ótken jylmen salystyrǵanda eki ese kóp qarajat bólindi. Onyń 69 mln teńgesi kabınetterdi qalypqa keltirýge jumsalady»,-deıdi Semeı qalalyq bilim bóliminiń bastyǵy Natalıa Fesenko.
Sondaı-aq, bıyl mektepterde 50 robot tehnıkasy kabınetin ashý josparlanǵan. Qazir arnaıy qondyrǵylar satyp alynýda. Jáne 82 fızıka, hımııa, bıologııa kabınetteri arnaıy jabdyqtalady.
