Semeıde mektepke «bomba qoıyldy»
Semeı qalasynda mektepke bomba qoıylǵany týraly aqparat jalǵan bolyp shyqty, dep habarlaıdy Kazinform.
Abaı oblystyq polıtsııa departamentiniń málimetine súıensek, 13 qarasha kúni saǵat 10.30-da «102» arnasyna Semeı qalasyndaǵy mektepterdiń birinde jarylǵysh zat qoıylǵany týraly habar tústi.
«Tekserý jumystaryn júrgizý úshin oqıǵa ornyna tıisti mamandandyrylǵan qyzmetter dereý baǵyttaldy. Qaýipsizdik maqsatynda bilim ordasynan qyzmetkerler men oqýshylar tolyqtaı evakýatsııalandy. Tekserý nátıjesi boıynsha kelip túsken aqparat rastalmady», - delingen aqparatta.
Qazirgi ýaqytta atalǵan fakti boıynsha QR QK-niń 273-babyna (terrorızm aktisi týraly kórineý jalǵan habarlaý) sáıkes sotqa deıingi tergeý amaldary bastaldy.
Osy rette polıtsııa departamenti mundaı qylmys jasaǵan adam 5 jylǵa deıin bas bostandyǵynan aıyrylýy múmkin ekenin eskertti.
